Byddai Cézanne yn aml yn ymweld â bryniau l'Estaque, ychydig i'r Gorllewin o Marseilles. Daw'r olygfa hon ohonynt ar bapur wedi ei osod ar gynfas o'r cyfnod 1878-79. Erbyn 1885 yr oedd yn eiddo i Gauguin, a wnaeth gopi ohono mewn gouache gan synfyfyrio bod 'y llwybr troellog ar draws y tir toredig drwy'r coed ifanc yn ei atgoffa o'r llwybr unig a gerddodd Crist tuag at Fynydd yr Olewydd.'
Mae'r cyfansoddiad eithradol wastad sydd wedi ei fynegi'n syml yn ein hatgoffa o sylw Cézanne fod tirwedd Provence 'fel cerdyn chwarae, toeon coch uwchben môr glas...Mae'r haul mor danbaid yma fel y bydd gwrthrychau i mi i'w gweld fel amlinellau...mewn glas, coch, brown a fioled...mae hynny i mi yn ymddangos fel y gwrthwyneb i fodelu.'
Prynodd Gwendoline Davies y gwaith hwn ym Mharis ym 1918. Pan oedd ar ei fenthyg i Oriel Tate ym 1922, canmolwyd ef gan Roger Fry fel 'un o'r mwyaf o holl dirluniau Cézanne.'
